სტიქია ცენტრალურ ამერიკაში

80–მდე ადამიანი დაიღუპა და 190 000 დაზარალდა წყალდიდობისა და მეწყერის შედეგად, რომელიც ცენტრალურ ამერიკაში ტროპიკულმა წვიმამ გამოიწვია.
ყველაზე მეტად სტიქიის შედეგად გვატემალა, სალვადორი და ჰონდურასი დაზარალდა. ქვეყნებში 10 000–ზე მეტი ადამიანი ღია ცის ქვეშ დარჩა. შენობების უმრავლესობას სერიოზული ზიანი მიადგა. 
გვატემალაში უკვე საგანგებო მდგომარეობაა გამოცხადებული. წყალდიდობამ აქ სულ მცირე 28 ადამიანის სიცოცხლე იმსხვერპლა. სტიქიის ზონიდან 7 000–მდე ადამიანია ევაკუირებული.